U Beddru CANIBARDU ! nnà traversata pigghiò un pocu ri suli ntiesta.......quali MASSALA , era TRAPANI !

U beddru Canibardu! .
..nnà traversata pigghiò un pocu ri suli ntiesta ............................. .........................quali Massala, era Trapani!


Scritto da Franco Gambino
su  Marsala c'è   il quotidiano di Marsala.

Venerdì 09 Aprile 2010 11:18



…..ma stu “Canibardu” è mai esistito ? ma veramenti ci ha stato questa spedizioni ? “ ...! U sapiti com’è….. da qualche tempo mi stanno “assalenno” dubbi su tuttu stu fattu e vi dico sinceramenti , ca certi notti, m’arruspigghiu cunfusu pinsannu ca, doppu tuttu , questa putissi essiri una speculazioni “storica” : va capisci nzoccu avianu a ffari e…..cciarrinisciu all’urtimu “questa sorti di guerra d’innipinnenza”. Ma jemuci araciu :…..un ghiornu, dicinu l’antichi, u Patreternu si scippò un diomanti ra so’ curuna e u pusò, tantu pi gghinchiri u mari, tra dui cuntentinenti e dissi : ccà cci mettu a Sicilia, na terra duci e splinnenti china di grazi divini……. Ma vuatri chi liggiti vinni stati priannu ? Mai Maria……chistu o cuntrariu fu mutivu di mmiria, di sciarri e guerri, picchì ( comu a na biddrissima fimmina….) tutti a vulievanu e criritimi (uora cci vuoli ! ) quantu genti vinninu : Greci , Rumani, arabbi, nurmanni, angioini, spagnoli, francisi….(un ci mettu tutti vasinnò tutti li mè “battuti pu giurnali” finieru…)….ntra tutti mi avevo scordato a “Canibardu”…..sè , un uomu ca aveva una mugghiruzza tantu beddra , nnammurata e valenti ca iddru in privatu (….va capisci picchì ? ) la chiamava “la granni Anita “ con il diminuitivo di “gr…Anita “…….! Fu accussì ca quannu u Signò Cavurru con chiamata a ssulu ci proposi di fari u “rivugghiu italianu” , Canibardu si mussiò e quasi quasi sinni vulia iri …..ma appena ci fu ddittu “ Ginirali vossia avi accuminciari l’uopira di Massala unni ccì sunnu : vvinu di lussu e……”gr..aniti” di cartellu….! Sta cuosa va capisci zzocu cci passi ! Appena ntisi parrari di Vinu e di gr…Anita un cci vitti cchiù ! Fu accussì ca cci rissi a Cavurru e o Zzu Vittuoriu Manuieli…….” Curnuti ri patri …..nisciti i picciuli ! “ ….e subbitu cci approntarono due belle navi (?) “Piemonte” e Lombardo” e li inchieru di volontari (u pitittu chi ffà ffari ! ) . Parteru tutti a la vota ri Massala ! Ora chi sta è la Storia ! …..ma la Storia un fici i cunti con i Siggnori DDALI’ e TORANO ! e ssì….oggi sugnu cuntentu (?) di dirivi ca si stà scrivennu a veru Storia dei Mille ! e allora….partemucci ri dduocu : Gli eroi dei due mondi su iddi e sapiti picchì ?...... Picchì hanno accominciatu a “varari” li riformi (…nziggnannucci a Bellusconi comu si fa !!! ) . Intantu iddri ricinu : ….Canibardu avia pigghiatu troppu suli ntesta e addi milli pi falli lottari ci prumittia un pusticeddu a Fiat o ntà società ru puonti ri Missina ; ogni burbuni ca ,ognunu riddi ammazzava, cciattuccava na scatula i sardi salati .Ma….. arrivannu ad ammazzari centu burbuni cc’era di dirittu, prontu, u puostu a Reggioni Siciliana ! i Marsalisi pi dirittu fuoru mpustati tutti o Cumuni e a Sicilvetru ! Quannu u nostru diretturi Asparinu Di Blasi, di Marsala c’è, u ntervistò (a Canibardu) : (d.) Picchì accuminciastivu di ccà a “ffari l’Italia ? (r.) Caro Amicu Asparinu l’Italia nunn’era Italia si unn’accuminciava di Massala….e cchi era fissa ca lassava u vinu all’avutri ? Noiatri portiamo Dimocrazia, Pace, ricchezza e lavoro pi tutti …..Caru Amicu Asparinu cciaddumannassi ai miei sordati doppu sta guierra (s’arrestanu vivi !) chi beddri puosti cci fici attruvari ! Ccià puozzu riri na cuosa ? Da questo momento ( cciù po’ scriviri nni Marsala c’è !! ) non si paghirannu cchù tassi e, mi devi cririri di frati, cu Sinnacu Carini cci sarannu “piseddri chi pampini”: rotatori nta tutta Massala e per incanto grapirannu tutti i “bagghiuotti” e, tutti l’aziendi viniculi c’av’ianu nchiusu, riccumincirannu a ffari u beddru Massala all’antica senza….. juncitini! Questo Signò Sinnacu sarà l’uomu ru sbiluppu !!...scrivissi scrivissi Don Gasparinu, parola di Canibardu ! “Ma …..Canibardu nuostru non sapiva ca i cosi jeru cchiù avanti ! Avutru chi Bossi ! Noiartri avemu, uoggi, i veru riformatori : i Cumpari DdAlì e Toranu !.... iddi nquatraru a sittanta e dissinu : U sapiti com’è ? Prima ri tuttu questo fattu ca Trapani devi esseri chiamata la cittatina ru fangu avi a ffiniri ! pecciò tutti i fagni nuostri ittatili a Massala…… U puortu di Massala non nni pari sofficienti pi cchiddu ca vulemu fari nuatri, s’avissi a “stuppari”, si cciavissinu a spenniri picciuli….Avemu u beddru portu nTrapani , facemu tutto llà ! Torano ci rissi subbutu a Ddalì : Antoniuccio ma chi vvoi vutari la storia ? e cchi nni faciemu ru Monumentu ai Milli ? e iddru cciarrispunniu a tappu : Caru Mimmuzzu questo è ir momento delle riforme comu, Canibardu io cci vogghiu dari la dimostrazioni o Cumpari Sirbio ca i riformi accominciano di ccà ssutta, comu fici Canibardu ! Pecciò da questo mumentu –scrivitillu ntà frunti- “Canibardu e i suoi milli sbaccarono a TRAPANI” …u capisti ? e un sacciu un sacciu si cci fazzu canciari puru i cammisi : di russi passirannu a “azzurri” accussì a finiemu …..! Ntò Monumentu dei Mille, ci rissi al valoroso Carini : Mittiticci quattru addrini paduvani (e accuntintamu puru a Bossi ! ) e cci facemu cummattiri e mpiati cumunali.!! Questa è a Sicilia….si devi canciari tuttu !!! devi canciari tuttu……pi un canciari nienti ! …….e vviri, caru Mimmuzzu, ca questo unnu rissi don Pippinu Tommasi di Lampedusa…..u rissi u Zzù Antoniuccio Ddalì rà Favignana….…scrivitivillu nnà frunti!