L'ALIVA

L’aliva di ’sta terra è diliziusa
pi cunsari e pi mangiari è ‘na gran cosa,
vasata di lu suli tuttu l’annu
lu so’ ogghiu alluntana ogni malannu.

Sciogghi stommachi ’n pitrati
e rinfrisca chiddi un po’ irritati,
pulizzia arterie quasi attuppati,
vini e fìcati di malati.

Duna a l’omu caluri e forza
tinennu luntanu la dibulizza;
ogghiu, alivi scacciati e passuluna
pi la genti di Sicilia su’ na fortuna.

Pani cunsatu cu sardi e ogghiu bonu
piaci puru a lu galantomu,
la pasta, anchi di casa o la ‘n salata,
senza ogghiu un è manciata.

La nuciddara di l’alivi è la regina,
avi sapuri fori, è grossa e china;
la bianculidda è ginirusa e carricanti,
dà ogghiu duci, finu e pocu ardenti.

Aliva assai ’mportanti è la cirasola
chi duna spissu ogghiu a cannola,
tutti l’atri varietà su puru boni
cultivati in Sicilia e n’atri zoni.

L’arvulu d’aliva è binidittu,
è simbulu di paci e di rispettu,
lu Signuri ni lu detti pi bontà,
cultivamulu cu amuri e umiltà.

Andrea Giuseppe Randazzo